Azərbaycan “MITT 2018” beynəlxalq turizm sərgisində təmsil olunur

13-15 mart 2018-ci il tarixində Rusiyanın Moskva şəhərində keçirilən “MITT 2018” beynəlxalq turizm sərgisində Azərbaycan Respublikası Mədəniyyət və Turizm Nazirliyi təmsil olunur.  Bu məqsədlə nazirliyin Turizm şöbəsinin Turizm sənayesi ilə iş sektorunun müdiri Bəxtiyar Qılıncov və Planlaşdırma və inkişaf sektorunun məsləhətçisi Ümid Məcidli iştirak edirlər.

BBN.az xəbər verir ki, Azərbaycan Nazirliklə yanaşı Milli Turizm Təbliğat Bürosu, Azərbaycan Konqreslər Bürosu, “Şahdağ” Turizm Mərkəzi QSC, Azərbaycan Hava Yolları QSC (AZAL),“İçərişəhər” Dövlət Tarix-Memarlıq Qoruğu İdarəsi” publik hüquqi şəxs, Nazirliyin Rusiya Federasiyasındakı turizm nümayəndəliyi “Tour A Vent” şirkəti,   eləcə də 20 yerli turizm şirkəti və 5 mehmanxana ilə təmsil olunur.

Adıçəkilən sərgidə respublikamızın turizm imkanlarını əks etdirən 90 kv.m sahədə xüsusi layihə əsasında milli stend quraşdırılıb və sərgiyə gələn ziyarətçi və iştirakçılara paylanması üçün rus və ingilis dillərində müxtəlif növ reklam-çap məhsulları ilə təmin edilib.

2002-ci ildən başlayaraq Azərbaycan Respublikası Mədəniyyət və Turizm Nazirliyi və yerli turizm şirkətləri “MITT 2018” beynəlxalq turizm sərgisində iştirak edir.

Qeyd edək ki, Azərbaycanla yanaşı, bir sıra ölkələrdən 2000-ə yaxın şirkət təmsil olunur.

© Materiallardan istifadə edərkən hiperlinklə istinad olunmalıdır