ABŞ-da müştərilərin daha çox ödəməsindən dolayı ərzaq sənayesinin gəlirləri rekorda çatıb. Son rəqəmlərə əsasən amerikalılar bazar günü, yəni aprelin 9-da qeyd edilən dünya xristianlarının milli bayramı “Pasxa”da ərzağa 7.3 milyard dollar xərcləyiblər.
BBN.az ABC News TV kanalına istinadən xəbər verir ki, ərzağın qiymətləri 2023-cü ilin fevralında bir öncəki ilin eyni dövrü ilə müqayisədə nə az, nə çox düz 10.2% yüksəlib. Bildirilir ki, ərzaq şirkəti “Conagra”nın gəlirləri 56% artıb, Kraft Heinz-in gəlirləri isə bir öncəki rüblə müqayisədə 450% artım göstərib.
Ekspertlər isə bildirirlər ki, ümumi inflyasiya rəqəmlərində enmə olsa da ərzağın qiymətləri yüksək qalmağa davam edəcək.