Dünya ölkələrinin rəqəmsallaşmaya doğru illərdir sürətlə irəliləməsinə baxmayaraq, kriptovalyutalar hələ də bir çox istehlakçılara qaranlıq qalmaqdadır. Bununla belə, hazırda dünyada ən çox gündəmdə olan mövzulardan biri də kriptovalyuta tendensiyalarıdır.
2021-ci il kriptovalyuta bazarı üçün mənfəətli olmaqla yanaşı, trendlərin kəskin şəkildə dəyişdiyi illərdən olub. Belə ki, 2021-ci ilin başlanğıcında 800 milyon dollar civarında dövr edən ümumi kriptovalyuta bazar kapitalizasiyası il sonuna qədər 190% dəyər qazanaraq 2.3 trilyon dolları ötüb. Bazar kapitalizasiyası seqmentində 2020-ci ildə önə çıxan Litecoin (LTC), Chainlink (LINK) və Bitcoin Cash (BCH) kimi kriptoları 2021-ci ildə Solana (SOL), USDC və Avalanche (AVAX) kriptovalyutaları əvəzləyib.
2021-ci ildə kriptovalyuta bazarında ən çox dəyər qazanan bazar iştirakçıları Solana (9800%), Terra (8515%) və Dogecoin (4170%) olub. Ən çox geriləyən kriptovalyutalar isə İCP (96%), EOS (86%) və Monero XMR (66%) olub.
Kriptovalyuta platformaları arasında 2021-ci ildə ən uğurlu olan “Uniswap”, protokolları arasında isə “Curve” və “Aave” seçilib.