Son dövrlərdə banklar həm kartlararası köçürmələr (card to card), həm də terminallar vasitəsilə karta pul yükləmə əməliyyatlarının limitlərini azaldıblar. Əvvəlki dövrdə bu əməliyyatlar daha yüksək məbləğlərdə və komisiyasız həyata keçirilə bilirdisə, indi limitlər nisbətən aşağı salınıb.
BBN.az xəbər verir ki, Azərbaycan Banklar Assosiasiyasının (ABA) eksperti “İqtisadi Zona” xəbər verilişinə verdiyi müsahibədə bildirib ki, banklar belə addımlarla əsasən saxta əməliyyatların, fırıldaqçılıq hallarının və qeyri-qanuni pul dövriyyəsinin qarşısını almağa çalışırlar.