ABA-nın eksperti Tamerlan Rüstəmov beynəlxalq sammitdə çıxış etmişdir

6-7 oktyabr 2022-ci il tarixində Avstriyanın Vyana şəhərində bank sistemində rəqəmsal transformasiya sahəsində aparılan islahatların müzakirə edildiyi beynəlxalq “Bankçılıq 4.0 rəqəmsallaşma və transformasiya Sammit”i keçirilmişdir.

Sözügedən tədbirdə, Azərbaycan Banklar Assosiasiyası (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun sədri və “Bank of Baku “ASC-nin Ödəniş sistemləri departamentinin direktor müavini Tamerlan Rüstəmov “Azərbaycanda rəqəmsal ödəniş ekosistemi və əsas trendlər” mövzusunda təqdimatla çıxış etmişdir.

Təqdimat zamanı, ölkədə formalaşdırılmış rəqəmsal ödəniş ekosisteminin komponentləri, son illər ərzində innovativ həllərin tətbiqi üzrə əldə edilən nəticələr, bank sistemində rəqəmsal transformasiyanın əsas xüsusiyyətləri haqqında ətraflı məlumat təqdim edilmişdir.

Related posts

Məktəbyaşlı uşaqların istehlakçı hüquqları barədə maarifləndirilməsi məqsədilə açıq dərslər keçirilib

Notariat xidmətləri artıq “mygov” platformasında!

Xüsusi Rabitə və İnformasiya Təhlükəsizliyi Dövlət Xidmətində ötən ilin yekunlarına həsr olunmuş müşavirə keçirilmişdir