Azərbaycan Banklar Assosiasiyasının (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun 10 iyul 2023- cü il tarixində “Xalq Bank” ASC-nin baş ofisində növbəti iclası keçirilmişdir. İclas zamanı bir sıra cari məsələlər o cümlədən, mövcud interçeync xidmət haqlarının tənzimlənməsi, ticarət obyektinin kateqoriya kodları (MCC) üzrə vahid yanaşmanın tətbiqi məsələləri müzakirə edilmişdir.
Əlavə edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 24 bank və 6 qeyri-bank kredit təşkilatı ABA-nın üzvüdür.