22 avqust 2024-cü il tarixində son dövrlərdə əmək qanunvericiliyinə edilmiş dəyişikliklər ilə bağlı Azərbaycan Banklar Assosiasiyası (ABA) və Dövlət Əmək Müfəttişliyi Xidmətinin (DƏMX) əməkdaşlığı çərçivəsində DƏMX tərəfindən ABA-ya üzv bankların bu sahəyə məsul əməkdaşları üçün “Zoom” platforması üzərindən maarifləndirmə təlimi təşkil edilmişdir.
Təlim zamanı son dəyişikliklərin portalda tətbiqi, qaydalar, işəgötürənlərin vəzifələri haqqında məlumat ilə yanaşı, iştirakçıları maraqlandıran suallara cavab verilmişdir.
Əlavə edək ki, əmək qanunvericiliyinə son edilən dəyişikliyə əsasən əmək münasibətləri və məşğulluq sahələrində rəqəmsal xidmətlər genişləndirilməkdədir.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 3 qeyri-bank kredit təşkilatı, 4 digər təşkilat olmaqla, ümumilikdə 29 təşkilat ABA-nın üzvüdür.