ABB-nin filiallarının transformasiyası layihəsi çərçivəsində Bankın Qazax filialı da yeni binada fəaliyyətə başlayıb. Bankın binası ABB-nin yeni brend kimliyinə, müasir xidmət standartlarıma uyğunlaşdırılıb.
Filial Qazax şəhəri, Heydər Əliyev prospekti 75 ünvanında müştərilərin xidmətindədir. Bizneslərin, eləcə də fərdi müştərilərin maliyyə xidmətlərinə olan bütün ehtiyaclarının təmin edilməsi üçün burada hər cür şərait var.
Müştərilər Qazax filialında müxtəlif növ kredit, kassa-hesablaşma əməliyyatları, əmanətlər, pul köçürmələri, ödəniş kartlarının sifarişi, nağd valyuta ilə əməliyyatlar və s. bu kimi müxtəlif xidmətlərdən faydalana bilərlər.
ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.