ABŞ-ın əsas fond indeksləri – S&P 500 və Dow Jones Industrial Average – Milad ərəfəsində keçirilən qısaldılmış ticarət sessiyasını tarixi maksimum bağlanışla başa vurub. Nasdaq da günü müsbət zonada tamamlayıb.
İlin əvvəlindən bəri S&P 500 təxminən 18% artım göstərib. Ticarət həcminin aşağı olmasına baxmayaraq, bazarlarda müsbət əhval-ruhiyyə qorunub.
Qızıl və gümüş qiymətləri sessiya ərzində rekord səviyyələrə yüksəlsə də, günün sonunda bir qədər geri çəkilib. Qızılın unsiyası 4 500 dollara yaxın səviyyədə qalıb.
Analitiklərin fikrincə, davam edən işsizlik müraciətləri üzrə məlumatlar ABŞ Federal Ehtiyat Sisteminin (FED) gələcəkdə faiz endiriminə gedə biləcəyi gözləntilərini gücləndirir.
Bu arada, neft və ABŞ dolları cari ildə son illərin ən böyük illik enişlərindən birinə doğru irəliləyir.