ABŞ-dən fiziki şəxslər tərəfindən 2025-ci ilin yanvar-sentyabr aylarında Azərbaycana 74 milyon 134 min dollar pul baratları göndərilib.
BBN.az bu barədə Azərbaycan Mərkəzi Bankına istinadən xəbər verir.
Bu, 2024-cü ilin eyni dövrü ilə müqayisədə 54,5% (26 milyon 153 min dollar) çoxdur. Ötən ilin yanvar-sentyabr aylarında bu məbləğ 47 milyon 981 min dollara bərabər olub.
Qeyd edək ki, ilk 9 ayda ABŞ-dən Azərbaycana fiziki şəxslər tərəfindən göndərilən pul baratlarının ümumi daxilolmalarda xüsusi çəkisi 2024-cü ilin yanvar-sentyabr aylarındakı 5,7%-dən 8,7%-ə yüksəlib.