2023-cü ilin mart ayının 1-nə ölkə üzrə uçotda olan 1.420.834 vergi ödəyicisinin 87,3%-i fiziki şəxs, 12,7%-i hüquqi şəxs və digər təşkilatlar olub. Ötən ilin müvafiq dövrü ilə müqayisədə vergi ödəyicilərinin ümumi sayı 5,1%, o cümlədən fiziki şəxslərin sayı 4,4%, hüquqi şəxslərin sayı isə 9,9% artıb.
2023-cü ilin mart ayının 1-nə dövlət qeydiyyatında olan kommersiya hüquqi şəxslərin 90,2%-i məhdud məsuliyyətli cəmiyyət, 1,4%-i səhmdar cəmiyyəti, 1,1%-i kooperativ və s. formalarda yaradılıb. 2022-ci ilin müvafiq dövrü ilə müqayisədə aktiv kommersiya qurumlarının sayı 14,7% artıb, xüsusi çəkisi isə 62,5% təşkil edib. Aktiv xarici investisiyalı kommersiya qurumlarının sayında müqayisə edilən dövr üzrə 27% artım qeydə alınıb. Hesabat dövründə kommersiya qurumlarının tərkibində ƏDV ödəyicilərinin sayı ötən illə müqayisədə 11,7% artıb. Yanvar-fevral aylarında kommersiya qurumlarının 82,5%-i elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 95,1% təşkil edib.
Qeydiyyatdan keçmiş kommersiya qurumlarının 87,6%-i yerli investisiyalı, 12,4%-i xarici investisiyalıdır. Yeni qeydiyyat üsulu ilə (fin kod+mobil nömrə) 341 yerli investisiyalı məhdud məsuliyyətli cəmiyyət qeydiyyata alınıb. Bu üsulun ümumi qeydiyyatda xüsusi çəkisi 12,3%, yerli investisiyalı MMC-lərin qeydiyyatında isə 14,6% olub.