Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Türkiyənin “Albayrak Holdinq”inin rəhbəri Ahmet Albayrakın başçılıq etdiyi nümayəndə heyəti ilə görüşüb.
Görüşdə şirkətin ölkəmizə investisiya qoyuluşunda maraqlı olduğu sahələrə və birgə əməkdaşlıq imkanlarına dair fikir mübadiləsi aparılıb. Qonaqlara KOBİA-nın ölkəmizə investisiya yatırmaqda maraqlı olan xarici sərmayəçilərə, eləcə də Türkiyədən olan investorların yerli sahibkarlarla əlaqələndirilməsinə, gələcəkdə birgə layihələrin icrasına dəstək göstərə biləcəyi diqqətə çatdırılıb.