Çinin e-ticarət platforması olan Temu, yüzlərlə fərqli kateqoriyada minlərlə məhsulu çox sərfəli qiymətlərlə satdığı üçün ölkəmiz də daxil olmaqla bir çox yerdə böyük diqqət çəkib.
Dünyanın ən böyük rəqəmsal alış-veriş platforması olan Amazon, sərfəli məhsullar istəyən “Temu” həvəskarları üçün yeni ticarət platforması irəli sürüb. Bu baxımdan şirkət yeni alış-veriş təcrübəsi olan Amazon Haul-u təqdim etdi və ABŞ-da sınaqdan keçirməyə başladı.
BBN.az xəbər verir ki, Amazon Haul-da dəb, ev əşyaları, həyat, elektronika və daha bir çox kateqoriyalar üzrə məhsullar sərfəli qiymətlərlə satılacaq.
Amazon Haul Amazon tətbiqinə inteqrasiya olunmuş şəkildə təqdim ediləcək.Amazonun bu yeni tətbiqi ucuz və keyfiyyətli məhsullar axtaran istifadəçilər üçün nəzərdə tutulmuş alış-veriş təcrübəsi təqdim edir. Tətbiq 20 dollar və daha aşağı qiymətə satılan məhsulların geniş seçimini təqdim edir, bəzi məhsullar isə cəmi 1,99 dollardan başlayacaq. 50$-dan yuxarı sifarişlərə əlavə endirimlər və 25$-dan yuxarı sifarişlərə çatdırılma pulsuz olacaq.