Beynəlxalq kommersiya korporasiyası “Amazon” bazarda yerini möhkəmləndirmək üçün yeni bir layihəyə başlayıb. Şirkətin “Santos Project” layihəsinin əməkdaşları kiçik və orta bizneslə əməkdaşlığın artırılması üçün POS terminalların hazırlanmasına start veriblər.
“Amazon” bir çox sahələrdə dünya üzrə lider olsa da, SME-lərlə iş sahəsində “Shopify”, “PayPal” kimi rəqiblərindən geridə qalır. Yeni POS terminallar vasitəsilə “Amazon” ilə əməkdaşlıq edən SME-lər onlayn və offlayn ödəniş tranzaksiyalarını rahat həyata keçirməklə yanaşı, inventarlarının tənzimlənməsi fəaliyyətlərini də asanlaşdıracaqlar. Bu isə, satışlarda kəskin artıma gətirib çıxara bilər.