Azərbaycanda sığorta sektorunun dərinliyi region ölkələrinə yaxın olsa da, inkişaf etmiş ölkələrlə müqayisədə xeyli aşağı səviyyədədir.
Bunu Azərbaycan Mərkəzi Bankının (AMB) Maliyyə Sektorunun Davamlı İnkişafı Departamentinin direktoru Rüstəm Tahirov AmCham tərəfindən Bakıda təşkil edilən “Bank və sığorta sektorlarının inteqrasiyası” mövzusunda keçirilən tədbirdə bildirib.
AMB rəsmisinin sözlərinə görə, sığorta sektorunun dərinliyi məcmu sığorta haqlarının ÜDM-dəki payı ilə ölçülür və son illər bu göstəricidə müsbət dinamika qeydə alınır.
2023-cü ildə:
-
Sığorta haqlarının ÜDM-də payı 1,1%,
-
Qeyri-neft-qaz ÜDM-də payı isə 1,8% təşkil edib.
R.Tahirov bildirib ki, ölkədə ümumi sığorta penetrasiyasının 10–20% həddinə çatdırılması hədəflənir və optimal hədd ölkənin spesifikasına uyğun müəyyən edilməlidir.
AMB rəsmisi əlavə edib ki, ötən il Azərbaycanda adam başına düşən sığorta haqqı 132 manat olub.