Azərbaycan Mərkəzi Bankı (AMB) maliyyə savadlılığının artırılması məqsədilə mövcud onlayn platformalarını birləşdirərək daha funksional sistem yaratmağı planlaşdırır.
BBN.az xəbər verir ki, AMB-nin Maliyyə Savadlılığı Portalı (bizimpullar.az) və Virtual Təhsil Platforması (edu.e-cbar.az) bazasında vahid tədris və maarifləndirmə platformasının yaradılması istiqamətində işlərə artıq başlanılıb.
Yeni platformanın məqsədi əhalinin müxtəlif yaş və peşə qrupları üzrə maliyyə biliklərini artırmaq, onlara daha əlçatan, interaktiv və müasir resurslar təqdim etməkdir.
Layihə “Azərbaycan Respublikası Mərkəzi Bankının 2024–2026-cı illərdə maliyyə sektorunun inkişaf strategiyası” çərçivəsində icra olunur.
AMB-nin məlumatına görə, platformanın hazırlanması və istifadəyə verilməsi üçün xərclərin 273,3 min manat həcmində olacağı proqnozlaşdırılır.