“BƏƏ-yə səfərimiz çərçivəsində Dubay şəhərində yerləşən Dubay Beynəlxalq Maliyyə Mərkəzinin (DIFC) sədri Essa Kazim ilə keçirilən görüşdən məmnun olduq”.
BBN.az xəbər verir ki, bu haqda Azərbaycan Respublikasının Mərkəzi Bankının (AMB) rəhbəri Taleh Kazımov “X” sosial platformasında yazıb.
“Görüş zamanı BƏƏ-nin maliyyə sektoru ilə əməkdaşlıq imkanlarını nəzərdən keçirməklə yanaşı maliyyə xidmətləri sahəsində Mərkəzin təqdim etdiyi xidmətlər və yeniliklərlə tanış olduq”, – deyə o, sözlərinə əlavə edib.
Qeyd edək ki, Taleh Kazımovun rəhbərlik etdiyi nümayəndə heyəti martın əvvəlindən başlayaraq Birləşmiş Ərəb Əmirliklərində işgüzar səfərdədirlər.