Mərkəzləşdirilmiş Kredit Reyestri Sistemində vətəndaşların onlara aid məlumatlara çıxış imkanlarının təşkil edilməsi məqsədilə Mərkəzi Bankın “bir pəncərə” prinsipli Elektron Xidmətlər Portalında 2023-cü il yanvarın 9-dan istifadəyə verilmiş xidmətdən ötən il ödənişsiz şəkildə öz kredit tarixçələri barəsində məlumat əldə etmiş vətəndaşların sayı 64 min nəfərdən, kredit hesabatlarının sayı isə 201 mindən çox olub.
BBN.az Azərbaycan Mərkəzi Bankına istinadla xəbər verir ki, vətəndaşlar real vaxt rejimində Elektron Xidmətlər Portalında yeni yaradılmış səhifəyə (http://accr-portal.e-cbar.az) “Asan Login” vasitəsilə daxil olaraq ödənişsiz şəkildə öz kredit tarixçələrini nəzərdən keçirə bilərlər (say məhdudiyyəti yoxdur).