Mərkəzi Bankın sədri Taleh Kazımov üçüncü “Yüksəliş” müsabiqəsinin qalibi Fərahim Hacıyevlə Mentorluq proqramı çərçivəsində növbəti dəfə görüşüb.
Görüş zamanı müsabiqə qalibi üçün hazırlanmış fərdi inkişaf proqramı üzrə görülmüş tədbirlər və gələcək təşəbbüslərdə iştirak imkanları nəzərdən keçirilib. Həmçinin sədr tərəfindən idarəetmə sahəsində bilik və bacarıqların artırılması istiqamətində tövsiyələr səsləndirilib.
Fərahim Hacıyev isə öz növbəsində mentorluq proqramı çərçivəsində Taleh Kazımovun şəxsi təcrübəsindən faydalanmaqdan məmnunluğunu bildirib.