Apple iyul-sentyabr dövrü üçün balans hesabatını açıqlayıb.
BBN.az xəbər verir ki, Apple tərəfindən edilən açıqlamaya görə şirkətin dördüncü rübündə gəliri keçən ilin eyni dövrü ilə müqayisədə təxminən 1% azalaraq 89,5 milyard dollara çatıb. Şirkət ötən ilin eyni dövründə 90,2 milyard dollar gəlir əldə edib.
Beləliklə, şirkətin gəlirləri ardıcıl 4-cü rübdür ki, azalıb. Bu dövrdə qeydə alınan azalmaya baxmayaraq şirkətin gəlirləri bazar gözləntilərindən çoxdur, proqnoz isə 89,3 milyard dollar istiqamətində idi. Apple-ın xalis mənfəəti iyul-sentyabr dövründə əvvəlki ilin eyni dövrü ilə müqayisədə 10,8% artaraq 22,96 milyard dollara çatıb. Şirkətin xalis mənfəəti ötən ilin eyni dövründə 20,72 milyard dollar olub.
Eyni zamanda şirkətin səhm üzrə mənfəəti qeyd olunan dövrdə 1,29 dollardan 1,46 dollara yüksəlib.