Apple şirkətinin Kaliforniyadakı Cupertino şəhərciyində tanıtım tədbiri keçirilib.
BBN.az xəbər verir ki, ABŞ texnologiya nəhəngi Apple yeni smartfon modelləri iPhone 16, yeni smart saatı Apple Watch Series 10 və yeni simsiz qulaqlıq AirPods 4-ü təqdim etdi.
Tədbirdə verilən məlumata görə, Apple Watch Series 10 əvvəlki modellərlə müqayisədə daha incə dizayna və daha böyük ekrana sahib olacaq.
Bundan əlavə, 30 dəqiqə ərzində 80 faizə qədər enerji ilə doldurula bilən yeni model 18 saatlıq batareyaya sahib olacaq və 50 metrə qədər suya davamlı olacaq.
AirPods 4 şarj qutusu əvvəlki modellərlə müqayisədə daha kiçik dizayna sahib olacaq və USB-C ilə uyğunlaşacaq.
iPhone 16 və iPhone 16 Plus olmaqla iki ölçüdə satışa çıxarılacaq smartfonlar böyük məhsuldar süni intellekt modellərini idarə etmək üçün optimallaşdırılmış yeni A18 çipinə sahib olacaq.
Avtomatik fokuslanma və zəif işıq şəraitində daha çox işıq tutma qabiliyyətini təmin edən yeni ultra geniş 48 meqapiksellik kamera da yeni modelin xüsusiyyətləri arasında olacaq.
Apple 16 Pro və 16 Pro Max smartfonlarının kənarları əvvəlki modellərə nisbətən daha böyük və incə olacaq.
Apple tərəfindən təqdim edilən yeni simsiz qulaqlıq seriyası AirPods 4 ətraf mühitdəki səs-küyü azaltmağa kömək edə biləcək fərdiləşdirilmiş məkan səsinə və funksiyalara sahib olacaq.iPhone 16 Pro Max şirkətin ən yaxşı batareya ömrünə malik smartfonu olacaq. iPhone 16 Pro 999 dollardan, 16 Pro Max 1199 dollardan başlayan qiymətlərlə satışa çıxarılacaq.