“Aqrar Tədarük və Təchizat” ASC ilə KOICA arasında görüş keçirilib

Kənd Təsərrüfatı Nazirliyi yanında “Aqrar Tədarük və Təchizat” Açıq Səhmdar Cəmiyyəti ilə Cənubi Koreyanın Beynəlxalq Əməkdaşlıq Agentliyi (KOICA) arasında görüş keçirilib.

Görüşdə hər iki qurum arasında əldə edilmiş razılığa əsasən ölkəmizdə tədarük və təchizat sisteminin daha da təkmilləşdirilməsi məqsədilə Cəmiyyətin əməkdaşları üçün Cənubi Koreyada təşkil olunacaq təlimin təfərrüatları müzakirə edilib, təlim iştirakçılarına ilkin məlumatlar təqdim edilib.

Qeyd edək ki, Koreya Beynəlxalq Əməkdaşlıq Agentliyinin (KOİCA) Azərbaycandakı nümayəndəliyinin təşkilatçılığı ilə 18 avqust-31 avqust 2019-cu il tarixlərində Cənubi Koreyada “Azərbaycanda Ərzaq Məhsullarının Tədarükü və Təchizatı Sisteminin Təkmilləşdirilməsi (1-ci il)” təlim proqramı keçiriləcək. Proqramda “Aqrar Tədarük və Təchizat” ASC-nin müvafiq sahələr üzrə 12 əməkdaşı iştirak edəcək.

© Materiallardan istifadə edərkən hiperlinklə istinad olunmalıdır