“Asiya İnkişaf Bankı” (ADB) sürətlə artmaqda olan “korona” virusuna qarşı mübarizəyə dəstək məqsədilə 2 milyon dollar maliyyə vəsaiti ayırıb.
Vəsait hal-hazırda Kamboca, Vyetnam, Çin Xalq Respublikası, Laos, Myanmar və Taylandda davam edən texniki yardımları artırmağa və virusa qarşı tədbirlərin sürətləndirilməsinə töhfə verməyə yönəlib. Vəsaitin əsasən virusla bağlı araşdırma və nəzarət tədbirlərində, habelə diaqnostika və laborotoriya avadanlıqlarının təchizatında istifadə olunması planlaşdırılır.
İnkişaf etməkdə olan ölkələrə sözügedən virusla bağlı növbəti vəsaitin yaxın zamanlarda ayrılacağı ehtimal edilir.