Asiya İnkişaf Bankının nümayəndələri ilə görüş keçirilib

Asiya İnkişaf Bankının (AİB) missiyası 13-17 fevral 2023-cü il tarixində İdarəetmə Risklərinin Qiymətləndirilməsi üzrə məsləhətləşmələr aparmaq üçün Azərbaycana səfər etmişlər.

Səfər çərçivəsində 17 fevral 2023-cü il tarixində AİB-in Baş Dövlət İdarəçiliyi mütəxəssisi, missiya rəhbəri Xose Luis Syquian, Baş İqtisadiyyat mütəxəssisi Nail Vəliyev, AİB-in məsləhətçisi Dennis Lorne Nakarionun iştirakı ilə Azərbaycan Banklar Assosiasiyasının “Risklərin idarə edilməsi üzrə Ekspert Qrupu”nun üzvləri və digər bankların nümayəndələri arasında görüş baş tutmuşdur.

Görüş zamanı, missiya üzvləri tərəfindən idarəetmə risklərinin qiymətləndirilməsinin əsas tematik sahələrinə aid olan məlumatları toplamaq və istinad sənədlərindən əldə edilmiş məlumatı təsdiqləmək və yeniləmək üçün maraqlı tərəflərlə məsləhətləşmələr aparılmışdır.