Oktyabrın 26-da Avropa Mərkəzi Bankı (AMB) 10 ardıcıl (2022-ci ilin iyulunda başlayıb-red.) artımdan sonra faizləri dəyişməz saxlayıb.
BBN.az CNBC Business nəşrinə istinadən xəbər verir ki, nəticədə tənzimləyici uçot faiz dərəcəsini 4-də saxlayıb.
Qeyd edək ki, daha öncə sentyabrda Böyük Britaniyanın Mərkəzi Bankı, İsveç Milli Bankı, ABŞ Federal Bankı (FED) faizləri dəyişməz saxlamışdı.
Əlavə edək ki, Avropa Mərkəzi Bankı belə bir qərarı isə İsrail-Hamas müharibəsindən dolayı yarana biləcək inflyasiya riskləri fonunda qəbul edib. Tənzimləyici əlavə edib ki, belə bir qərara baxmayaraq inflyasiya hələ də uzun müddət yüksək qalmağa davam edəcək.