Avropa Mərkəzi Bankının (AMB) rəhbəri xanım Christine Lagarde yenidən dizayn ediləcək avro əskinasları ilə bağlı olaraq əhaliyə müraciət edib.
BBN.az xəbər verir ki, onun müraciəti isə AMB-nin rəsmi LinkedIn səhifəsində paylaşılıb.
Xanım Lagarde video açıqlamasında qeyd edir: “Bu gördüyünüz avro əskinaslarında mənim imzam var, ancaq bu pul sizindir. Ona görə də bizim təklif etdiyimiz dizaynlar ilə bağlı olaraq sizin də təklif və rəylərinizi dinləməyə hazırıq. Avqustun 31-dək Bank tərəfindən təşkil edilmiş sorğuda iştirak edərək öz fikirlərinizi bildirin”, – deyə o, əlavə edib.