Avrozonaya daxil olan ölkələrdə dekabr ayı üçün mövsümi olaraq tənzimlənən işsizlik 7.0% olub. Qeyd edək ki, noyabr ayında bu göstərici 7.1% olub. Avropa Birliyi ölkələri üçün isə dekabr ayına olan işsizlik göstəricisi noyabr ayına nisbətdə 0.1% azalaraq 6.4% səviyyəsində qərarlaşıb. Bu barədə məlumat Avropa Birliyinin statistika ofisi “Eurostat” tərəfindən paylaşılıb.
Sözügedən dövr üçün ən yüksək işsizlik göstəriciləri İspaniya (13.0%) və Yunanıstanda(12.7%), ən aşağı göstərici isə Çexiyada (2.1%) qeydə alınıb.
Amerika Birləşmiş Ştatlarında isə sözügedən dövrdə işsizlik göstəricisi 4.2%-dən 3.9%-ə enib.