Bu həftə Avropada təbii qazın qiyməti Ukrayna müharibəsindən əvvəlki (fevraldan əvvəl-red.) səviyyəyə enib. Rusiyanın Avropaya gedən əsas təbii qaz kəmərlərindən axını dayandırması qiymətlərin yüksəlməsinə gətirib çıxarmışdı.
BBN.az DW Business-ə istinadən xəbər verir ki, ötən həftələrdə qiymətlər isə hər meqavatt saatına görə 77 avrodan (81.91 dollardan) aşağı ticarət edilirdi. Avqustda özünün pik vaxtında isə Avropada təbii qazın qiyməti hər meqavatt saatına görə 345 avroya yüksəlmişdi. Cümə axşamı günü isə təbii qazın qiyməti 81.5 avro ətrafında ticarət edilirdi.
Lakin analitiklər isə bildirirlər ki, bu pozitiv xəbər olsa da, qiymətlər yenə də yüksələ bilər. Bundan əvvəl Goldman Sachs isə noyabrda proqnoz edirdi ki, Aİ xalqları tədarük məsələsində müvəqqəti üstünlük (Avropada havaların mülayim keçməsi tələbi azaldıb-red.) əldə etdikcə Avropada təbii qazın qiymətləri yaxın aylarda kəskin enəcək.