1 
Azərbaycanda Dövlət borcunun idarə edilməsinə dair yeni strategiya hazırlanır.
BBN.az xəbər verir ki, bunu Maliyyə Nazirliyi yanında Dövlət Borclarının və Maliyyə Öhdəliklərinin İdarə Edilməsi Agentliyinin direktoru Azər Mursaqulov “Almaniya-Azərbaycan İxrac Maliyyə Konfransı 2025”də açıqlayıb.
O bildirib ki, 2018-ci ildə təsdiqlənmiş strategiyanın müddəti bu il başa çatır və yenilənmiş strategiyada əsas fokus əlavə xarici borclanma olacaq. Yeni strategiya, xüsusilə metro və dəmir yolu şəbəkəsinin inkişafı, həmçinin su təchizatı və kanalizasiya layihələrini dəstəkləyəcək.
A.Mursaqulov əlavə edib ki, son yeddi ildə dövlət zəmanətləri portfeli əhəmiyyətli dərəcədə azaldılıb, bu isə maliyyə şirkətləri üçün yeni imkanlar yaradır.
