Azərbaycan Respublikasının Mərkəzi Bankında bankların rəhbər şəxsləri üçün seminar keçirilib

6 dekabr 2019-cu il tarixində Azərbaycan Respublikası Mərkəzi Bankının və Azərbaycan Banklar Asossiasiyasının birgə təşkilatçılığı ilə SWIFT təşkilatının ekspertləri tərəfindən bankların ödəniş və hesablaşmalar sahəsinə rəhbərlik edən şəxsləri üçün seminar keçirilmişdir. İnteraktiv formada keçirilmiş seminar maliyyə sistemində universal standart olan ISO 20022 standartının tətbiqi ilə bağlı məsələləri əhatə etmişdir.

Qeyd edək ki, “2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” çərçivəsində 2019-2020-ci illəri əhatə edən dövr ərzində Mərkəzi Bank tərəfindən icrası nəzərdə tutulmuş tədbirlərdən biri “İstifadəçidən istifadəçiyə əməliyyat proseslərini avtomatlaşdırmağa imkan verən maliyyə sisteminin universal mübadilə standartlarının (ISO20022) tətbiqi üçün tədbirlər planının hazırlanması”dır.

© Materiallardan istifadə edərkən hiperlinklə istinad olunmalıdır