2025-ci ilin ilk 11 ayında Azərbaycanda könüllü tibbi sığorta üzrə yığımların həcmi 121,90 milyon manat təşkil edib.
Bu, ötən ilin müvafiq dövrü ilə müqayisədə 8,24 milyon manat və ya 7,25% artım deməkdir. Qeyd edək ki, 2024-cü ilin yanvar–noyabr aylarında könüllü tibbi sığorta üzrə sığorta haqları 113,66 milyon manat olmuşdu.
Eyni zamanda, 2025-ci ilin ilk 11 ayında könüllü tibbi sığorta üzrə sığorta ödənişləri 81,31 milyon manat səviyyəsində olub. Bu, 2024-cü ilin eyni dövrü ilə müqayisədə 6,78 milyon manat və ya 7,69% azalma deməkdir (2024-cü ildə 88,09 milyon manat).
2024-cü ilin yanvar–noyabr aylarında könüllü tibbi sığorta üzrə zərərlilik nisbəti 77,52% təşkil edirdisə, 2025-ci ilin eyni dövründə bu göstərici 66,69%-ə enib.
Bu göstəricilər könüllü tibbi sığorta sektorunda yığımların artdığı və ödənişlərin azaldığı, həmçinin zərərlilik nisbətinin yaxşılaşdığına işarədir.
