Azərbaycanda fəaliyyət göstərən bankların 2020-ci ilin birinci rübünə olan cəmi aktivləri illik müqayisədə 7.9% artaraq 32,218.9 milyon manat, cəmi öhdəlikləri isə ötən ilin müvafiq dövrü ilə müqayisədə təqribən 2 mlrd. manat və ya 7.7% artaraq 27,477.9 milyon manata çatıb. Sektorun balans kapitalı 4.4 mlrd. manat (illik 380 mln. manatlıq artım) təşkil edib.
Əmanətlərin həcmi 20,6 mlrd. manat təşkil edib ki, bu da illik olaraq 11% artmışdır. Bunun 8,185.7 milyon manatı fiziki, 12,427.9 milyon manatı isə hüquqi şəxslərin əmanətləridir.
Həmçinin bank sektoru bu ilin yanvar-mart aylarında 163 milyon manat xalis mənfəət əldə edib ki, bu da ötən ilin müvafiq dövrü ilə müqayisədə 39.1 milyon çoxdur.
Bankların filiallarının sayı 506, şöbələrinin sayı 126, ATM-lərin sayı 2677- dir. Bütövlükdə, bank sektorunda çalışan işçilərin sayı 19846 nəfər təşkil edib.