BBN.az xəbər verir ki, 2025-ci ilin ilk 7 ayında Azərbaycan xaricdən 116 ədəd, ümumilikdə 71,92 milyon dollar dəyərində külək enerjisi ilə işləyən elektrogenerator qurğuları alıb. Alınan qurğuların 112 ədədi Çin Xalq Respublikasından gətirilib. Hesablamalara görə, Çindən idxal olunan hər bir elektrogeneratorun orta dəyəri 642 141 dollar təşkil edib.
Dövlət Statistika Komitəsinin məlumatına əsasən, ilin ilk səkkiz ayında Azərbaycanda külək elektrik stansiyalarının istehsal etdiyi elektrik enerjisi 33,4 min kVt-saat olub ki, bu da 2024-cü ilin eyni dövrü ilə müqayisədə 15,5 faiz azdır.