Azərbaycan 2029-cu ildə Dünya Bankı və Beynəlxalq Valyuta Fondunun (BVF) illik toplantısına ev sahibliyi edən ölkələrdən biri ola bilər.
BBN.az xəbər verir ki, bu barədə maliyyə nazirinin birinci müavini Anar Kərimov II Azərbaycan Halal Biznes (AZHAB) Forumunda çıxışı zamanı məlumat verib.
Onun sözlərinə görə, Azərbaycan artıq bu tədbirin keçirilməsi üçün qısa siyahıya daxil edilib və dekabr ayında ölkəyə qiymətləndirmə missiyasının səfəri gözlənilir: “İslam İnkişaf Bankı Qrupu, Dünya Bankı və Asiya İnkişaf Bankı ilə əməkdaşlığımız getdikcə genişlənir. Gələn il İslam İnkişaf Bankının illik toplantısına da Azərbaycan ev sahibliyi edəcək. Bu isə halal sertifikatlaşdırılması və İslam maliyyəsinin inkişafı mövzularını ön planda saxlamaq üçün mühüm imkan yaradacaq”.