24 aprel 2025-ci il il tarixində ABA-nın və Azərbaycan Qiymətləndiricilər Palatasının rəhbərliyi, üzv bankların və aidiyatı sturuktur bölmənin rəhbər şəxsləri arasında onlayn görüş keçirilmişdir.
Görüş zamanı Palatanın fəaliyyəti haqqında məlumat verilmiş, qiymətləndiricilərin və bankların maliyyə sektorundakı fəaliyyətləri və qarşılıqlı əlaqələri, hər iki tərəfi maraqlandıran məsələlərin birgə müzakirəsi aparılmışdır. Görüşün nəticəsi olaraq, qarşıya çıxacaq məsələlərin operativ həll edilməsi və tərəflər arasında kommunikasiyanın təmin edilməsi məqsədi ilə birgə İşçi Qrupunun yaradılmasına qərar verilmişdir.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 2 qeyri-bank kredit təşkilatı, 3 digər təşkilat olmaqla, ümumilikdə 27 təşkilat ABA-nın üzvüdür.