14 dekabr və 15 dekabr 2022-ci il tarixlərində Bakı Fond Birjasında Azərbaycan Respublikasının Mərkəzi Bankının notlarının yerləşdirilməsi üzrə hərrac keçiriləcəkdir. Nəzərinizə çatdırırıq ki, hərrac zamanı sifarişlərin toplanması saat 11:00-dan 11:30-dək təşkil olunacaqdır.
Notların buraxılış parametrləri barədə məlumat aşağıdakı cədvəldə verilmişdir:
| Notun müddəti (gün) | ISIN | Qeydiyyataalınmış məbləğ (manat) | Hərrac tarixi | Hərraca çıxarılan məbləğ (manat) | Nomi nal | Miqdar | Notun ödəniş tarixi |
| 28 | AZ2049024709 | 30,000,000 | 14.12.2022 | 30,000,000 | 100 | 300.000 | 11.01.2023 |
| 84 | AZ2050024705 | 30,000,000 | 14.12.2022 | 30,000,000 | 100 | 300.000 | 08.03.2023 |
| 168 | AZ2051024704 | 30,000,000 | 15.12.2022 | 30,000,000 | 100 | 300.000 | 01.06.2023 |
| 252 | AZ2052024703 | 30,000,000 | 15.12.2022 | 30,000,000 | 100 | 300.000 | 24.08.2023 |
Hərracda bir bank tərəfindən verilən rəqabətli sifarişlərin sayına məhdudiyyət tətbiq olunmur. Bir bank tərəfindən verilmiş bütün sifarişlərin nominal məbləğlərinin cəmi hərraca çıxarılmış notların həcminin 20%-dən artıq olmamalıdır. Sifarişlər üzrə qiymət diapozonu məhdudiyyəti tətbiq olunmur.
Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20%-inə qədər artırıla bilər.
Hərrac zamanı təqdim edilən sifarişlərin sayı 5-dən az olduqda hərrac baş tutmamış hesab ediləcəkdir. Hərrac zamanı bağlanmış əqdlər üzrə hesablaşmalar T+0 rejimində həyata keçiriləcəkdir
Azərbaycan Respublikasının Mərkəzi Bankının notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.