2025-ci ilin birinci rübündə Azərbaycanda avtomobil kreditləri üzrə orta illik faiz dərəcəsi 12 % təşkil edib.
BBN.az xəbər verir ki, Azərbaycan Mərkəzi Bankının məlumatına görə, bu göstərici 2024-cü ilin sonu ilə müqayisədə 2 faiz bəndi yüksəkdir.
İlkin rübdə məişət avadanlıqlarının alınması üçün verilən kreditlərin orta faizi 25 % səviyyəsində sabit qalıb. Yaşayış sahələrinin təmiri məqsədilə verilən kreditlər üzrə orta faiz də dəyişməyərək 16 % olaraq qalıb.
Kredit kartları vasitəsilə manatla verilən istehlak kreditlərinin orta faizi isə azalma meyli göstərib – 2024-cü ilin sonuna nisbətən 1 faiz bəndi geriləyərək 25 % olub.
Digər növ istehlak kreditləri üzrə isə əks tendensiya müşahidə edilib: orta faiz dərəcəsi 1 faiz bəndi artaraq 21 %-ə yüksəlib.