2025-ci ildə Azərbaycanda dövlət qurumlarının adlarına bənzər 52 saxta domen müəyyən edilərək bloklanıb.
BBN.az agentliyinin Xüsusi Rabitə və İnformasiya Təhlükəsizliyi Dövlət Xidmətinin məlumatlarına istinadən xəbər verir ki, bu göstərici 2024-cü illə müqayisədə 48 % azdır.
Məlumata görə, təkcə IV rübdə 26 saxta domen blok edilib. Bu, əvvəlki rüblə müqayisədə 3,7 dəfə çox, 2024-cü ilin eyni dövrü ilə müqayisədə isə 13 % artım deməkdir.
Qeyd edək ki, 2024-cü ildə dövlət qurumlarını hədəf alan 100 saxta domen aşkarlanaraq müvafiq qaydada bloklanıb.