Tarif (Qiymət) Şurası 2026-cı il yanvarın 1-dən qüvvəyə minəcək yeni tarifləri təsdiqləyib.
Qanunvericiliyə əsasən, elektrik enerjisi və təbii qaz istehlakçılarından istifadə səviyyəsindən asılı olmayaraq, aylıq sabit ödəniş alınacaq. Bu, infrastrukturun saxlanması və xidmətlərin göstərilməsi xərclərinin balanslı bölüşdürülməsi məqsədini daşıyır və beynəlxalq təcrübədə geniş tətbiq olunur.
Yeni tarifə əsasən, elektrik enerjisi üzrə aylıq sabit ödəniş:
-
Əhali və 1 fazlı təchizat sxemi ilə enerji istifadə edən qeyri-əhali üçün 1 manat,
-
3 fazlı təchizat sxemi ilə enerji istifadə edən qeyri-əhali üçün 3 manat müəyyən edilib.
Təbii qaz üzrə aylıq sabit ödəniş isə:
-
Əhali və məişət qaz qurğuları ilə qoşulan qeyri-əhali üçün 1 manat,
-
Sənaye qaz qurğuları ilə qoşulan qeyri-əhali üçün 3 manatdır.
Bu dəyişikliklər 1 yanvar 2026-cı ildən tətbiq olunacaq.