Azərbaycanda neft hasilatı 2025-ci ilin dekabr ayında gündəlik 460 min barel təşkil edib ki, bu da ötən ilin noyabr ayındakı səviyyə ilə eyni olub.
Bu barədə Beynəlxalq Enerji Agentliyi (IEA)-nin aylıq hesabatında qeyd olunub.
IEA analitiklərinin hesablamalarına əsasən, dekabr ayında Azərbaycanın neft hasilatı OPEC+ sazişi çərçivəsində nəzərdə tutulan plan göstəricisindən gündəlik 90 min barel az olub.
Xatırladaq ki, OPEC+ razılaşmasına uyğun olaraq Azərbaycanın 2025-ci il üzrə neft hasilatı kvotası gündəlik 551 min barel səviyyəsində müəyyən edilib.