Azərbaycanın strateji valyuta ehtiyatları 14,7 % və ya 10,5 milyard ABŞ dolları artaraq bu il 81,5 milyard ABŞ dollarına bərabər olub.
BBN.az xəbər verir ki, bu barədə Azərbaycan Mərkəzi Bankının (AMB) Statistika departamentinin direktoru Samir Nəsirov tədiyə balansının açıqlanmasına həsr olunmuş brifinqdə məlumat verib.
Onun sözlərinə görə, Mərkəzi Bankın valyuta ehtiyatları hazırda 11,31 milyard ABŞ dolları təşkil edir.
AMB rəsmisi qeyd edib ki, ölkənin strateji valyuta ehtiyatları 37 ay ərzində mal və xidmətlərin maliyyələşdirilməsinə kifayət edir ki, bu da kifayət qədər yüksək göstərici hesab olunur.