Cari ilin yanvar-aprel ayları ərzində Azərbaycan Türkiyəyə ümumilikdə 187,678 milyon ABŞ dolları dəyərində qeyri-neft məhsulları ixrac edib.
BBN.az xəbər verir ki, Dövlət Gömrük Komitəsinə məlumat verir ki, bu göstərici ötən ilin müvafiq dövrü ilə müqayisədə 17,623 milyon dollar və ya 8,6% azalma deməkdir. Belə ki, 2024-cü ilin ilk dörd ayında Türkiyəyə ixrac olunan qeyri-neft məhsullarının dəyəri 205,301 milyon dollar olub.
Türkiyə hesabat dövründə Azərbaycanın qeyri-neft məhsullarını idxal edən ölkələr arasında ikinci yerdə qərarlaşıb.
Xatırladaq ki, hazırda Azərbaycanın qeyri-neft məhsullarının əsas ixrac ünvanı Rusiya Federasiyasıdır. Bu ölkəyə ixracın dəyəri 321,4 milyon dollar təşkil edir.