Abunəçilərinə yüksək keyfiyyətli müştəri təcrübəsi təqdim etməyi hədəfləyən “Azercell Telekom” MMC şəbəkənin genişləndirilməsi və modernləşdirilməsi üzrə görülən işlərin nəticələrini açıqlayıb. Hazırda şirkət 5 milyondan çox abunəçiyə xidmət göstərir, ölkə üzrə coğrafi əhatə dairəsi 95%, əhali əhatəsi isə 98,4% təşkil edir.
2024-cü ilin yanvarından 2025-ci ilin avqustunadək 700-dən çox baza stansiyası modernləşdirilib, ümumilikdə isə 339 yeni baza stansiyası istifadəyə verilib. Bununla da Azercell-in LTE baza stansiyalarının sayı 3700-ü ötüb.
Ookla Speedtest-in məlumatına əsasən, Azercell avqust ayında 91.1 Mbps nəticə ilə ölkənin ən sürətli mobil operatoru olub. Sözügedən dövrdə ölkə üzrə mobil internet sürətində 71,6% artım qeydə alınıb.
Qarabağ bölgəsində hazırda 208 baza stansiyası fəaliyyət göstərir. Şirkət həmçinin ESG strategiyası çərçivəsində “yaşıl” baza stansiyalarının sayını 37-yə çatdırıb və karbon emissiyalarının azaldılması istiqamətində addımlar atıb.
Azercell “Bağlantını asanlaşdırır, həyatı daha dolğun edirik” strategiyasına sadiq qalaraq şəbəkə infrastrukturunun dayanıqlılığını artırmaq istiqamətində fəaliyyətini davam etdirir.