“AzInTelecom” MMC-də şirkətin maliyyə blokuna artıq Nəcəf Səmədov rəhbərlik edəcək.
Banker.az-ın məlumatına görə, o, 2025-ci ilin sentyabrından etibarən şirkətin Maliyyə departamentinin direktoru vəzifəsinə təyin olunub.
Nəcəf Səmədov bundan əvvəl “AzInTelecom”da Maliyyə departamentinin direktorunun müavini (2023–2025) və Maliyyə nəzarəti və vergi şöbəsinin rəhbəri (2022–2023) kimi fəaliyyət göstərib. Onun karyerası əsasən iri audit və konsaltinq şirkətlərində formalaşıb. Belə ki, o, 2018–2022-ci illərdə EY-də müxtəlif vəzifələrdə çalışıb.
Qeyd edək ki, 2021-ci ilin martından 2025-ci ilin martına qədər bu vəzifəni Altay İsmayılov icra edib.