27 oktyabr, 2025-ci il tarixində Bakı Fond Birjasının (BFB) İdarə Heyətinin üzvləri “Anglo Asian Mining Plc”-nin (LSE: AAZ) prezidenti Reza Vəziri ilə görüş keçiriblər. Görüşün əsas mövzusu iki tərəf arasında əməkdaşlıq imkanlarının müzakirəsi və Azərbaycan kapital bazarının inkişafı olub.
Görüşdə BFB rəhbərliyi birjanın strateji vizyonunu və kapital bazarı infrastrukturunun inkişafı üzrə planları təqdim edib. Bundan əlavə, 2025-ci ilin oktyabr ayında BFB–nin Dünya Birjalar Federasiyasına (WFE) tam üzv qəbul olunması da müzakirə edilib. Bu, kapital bazarının şəffaflığının gücləndirilməsi və beynəlxalq inteqrasiyanın dərinləşdirilməsi baxımından əhəmiyyətli addım kimi vurğulanıb.
Görüş zamanı “Anglo Asian Mining”-in prezidenti və baş icraçı direktoru Reza Vəziri vurğulayıb: “Azərbaycanın ilk publik şirkəti olaraq Anglo Asian Mining bazarın inkişafını yaxından izləyir və BFB ilə əməkdaşlığa dəstək verməyə hazırdır. Bu, həm bazar iştirakçıları, həm də potensial investorlar üçün faydalı ola bilər”. İnvestor etibarının artırılmasının vacibliyini vurğulayan Bakı Fond Birjasının Müşahidə Şurasının sədri Fərid Axundov qeyd edib: “Bu müzakirələr BFB üçün strateji əhəmiyyət daşıyır. Kapital bazarının infrastrukturunun gücləndirilməsi və investor etibarının artırılması bizim əsas prioritetlərimizdir”. BFB–nin İdarə Heyətinin sədri Ruslan Xəlilov Azərbaycan kapital bazarlarının infrastruktununun inkişafının önəmini vurğulayıb: “BFB olaraq şəffaflıq, əməliyyatların avtomatlaşdırılması və beynəlxalq standartlara uyğunluq istiqamətində islahatları davam etdiririk. WFE–yə tam üzvlük bu prosesin mühüm hissəsidir”.
“Anglo Asian Mining” tərəfindən BFB–nin Azərbaycan kapital bazarının inkişafına verdiyi töhfə qiymətləndirilib və şirkət gələcəkdə birja ilə əməkdaşlıqda aktiv iştirak etməyə hazır olduğunu bildirilib. Tərəflər yaxın gələcəkdə əməkdaşlığın konkret mexanizmləri üzərində işləməyi və əlaqələndirilmiş fəaliyyət planı hazırlamağı qərara alıblar.
“Anglo Asian Mining Plc (LSE: AAZ)” – London Fond Birjasında qeydiyyatdan keçmiş, Azərbaycanda qızıl, mis və gümüş kəşfiyyatı və istehsalı ilə məşğul olan Böyük Britaniya şirkətidir. Şirkət 20 ildən artıq müddətdir ki, Azərbaycanda fəaliyyət göstərir və Qərbi Azərbaycanda 2,544 kv. km əhatə edən səkkiz müqavilə sahəsində kəşfiyyat və istehsal aktivləri portfelinə malikdir. Şirkətin əsas fəaliyyət sahələrinə Gədəbəy istehsal kompleksi, Dəmirli mədən kompleksivə digər perspektivli layihələr daxildi.
Əlaqə üçün:
Bakı Fond Birjası — pr@bse.az , listing@bse.az
Anglo Asian Mining Plc — fidan.shabanova@aimc.az