Bakıda beynəlxalq ticarət və sənaye sərgisi keçirilir

Bakıda “CASPINDEXPO 2022” beynəlxalq ticarət və sənaye sərgisi keçirilir. Kiçik və Orta Biznesin İnkişafı Agentliyi (KOBİA) və İxracın və İnvestisiyaların Təşviqi Agentliyinin (AZPROMO) dəstəyi, “International Fairs Trade Group” şirkətinin təşkilatçılığı ilə Bakı İdman Sarayında keçirilən sərgidə Azərbaycanla yanaşı, Türkiyə, Rusiya, İran, Türkmənistan və Qazaxıstandan 50-yə yaxın şirkət sənaye, kənd təsərrüfatı, qida, tikinti materialları və s. məhsul və xidmətlərini təqdim edirlər. 

KOBİA-nın dəstəyi ilə xüsusi stenddə mikro və kiçik sahibkarlıq subyektləri tərəfindən kənd təsərrüfatı, inşaat materialları, meyvə şirələri, süd və süd məhsulları nümayiş olunur. 

Sərgi mayın 18-dək davam edəcəkdir.