Bank “BTB” 2025-ci ilin 4-cü rübü üzrə maliyyə göstəricilərini açıqlayıb. Ötən il ərzində bank əsas göstəricilər üzrə müsbət dinamikanı qoruyub saxlaya bilmişdir.
Beləliklə, 2025-ci il ərzində bankın xalis əməliyyat mənfəəti 2024-cü ilin nəticələri ilə müqayisədə 11% artaraq 5.9 milyon manata çatmışdır. Eyni dövr ərzində Bankın xalis faiz gəlirləri 16% artaraq 14.2 milyon manat, qeyri-faiz gəlirləri 20% artaraq 7.3 milyon manat təşkil etmişdir. Beləliklə Bank 2025-ci ili 2.4 milyon manat xalis mənfəətlə yekunlaşdırmışdır.
Bank İpoteka kreditləri üzrə mövqeyini qoruyur və sabit artımı nümayiş etdirməkdə davam edir. 2025-ci ilin 12 ayı ərzində 173 şəxsə 16.7 milyon manat həcmində İpoteka üzrə kredit verilmişdir. Bunlardan Azərbaycan Respublikasının İpoteka və Kredit Zəmanət Fondu xətti ilə 123 müştəriyə 13.2 milyon manat həcmində, Azərbaycan Respublikasının Mənzil İnşaatı Dövlət Agentliyi xətti ilə 50 müştəriyə 3.5 milyon manat həcmində kreditlər rəsmiləşdirmişdir.
2025-ci ilin sonuna Bankın məcmu kapitalı 4.3% artaraq 53.3 milyon manat təşkil etmişdir, bu da Mərkəzi Bankın minimum tələbindən (50 milyon manat) yüksəkdir. Məcmu kapitalın adekvatlıq göstəricisi 23.2% təşkil etməklə, Mərkəzi Bankın minimum tələbini (10.5%) əhəmiyyətli dərəcədə üstələyir.
QEYD: Bank “BTB” ASC Azərbaycan Respublikasının Mərkəzi Bankı tərəfindən verilmiş 19.03.2010-cu il tarixli 254 nömrəli lisenziya əsasında fəaliyyət göstərir. Bank Bakı, Gəncə və Sumqayıt şəhərlərində yerləşən ümumi 8 xidmət nöqtəsilə müştərilərə korporativ və pərakəndə bankçılıq sahəsində məhsul və xidmətlərini təqdim edir.
Bankın təqdim etdiyi məhsul, xidmət və kampaniyalar barədə məlumat almaq istəyən şəxslər onlayn müraciət kanalları olan Facebook (www.facebook.com/bankbtb) və Instagram (www.instagram.com/bankbtb/) səhifələrinə, eləcə də 055 4400 946 WhatsApp (https://wa.me/994553000946) nömrəsinə müraciət edə bilərlər. Bundan əlavə (012) 946 nömrəli məlumat mərkəzi və www.btb.az rəsmi saytı müştərilərin xidmətindədir.