“Bank Respublika” yeni korporativ müştəriləri üçün güzəştli kampaniya elan edir

Noyabrın 1-dən ilin sonunadək “Bank Respublika”, bankla yeni əməkdaşlığa başlayan korporativ müştərilər üçün “XOŞ GƏLDİN” kampaniyasına start verir. Kampaniya çərçivəsində yeni əməkdaşlığa başlayan hüquqi şəxslər və fərdi sahibkarlar bankın bütün əməliyyat xidmətləri üzrə güzəştlər əldə edə biləcəklər.

“Kampaniyanın başlıca məqsədi odur ki, bankla yeni əməkdaşlığa başlayan hər bir sahibkar, bir ay ərzində heç bir komissiya ödənişı etmədən, təqdim olunan xidmət və bank məhsullarının keyfiyyətini özü dəyərləndirsin. Bundan sonra, müştəri “Bank Respublika” ilə əməkdaşlığı davam etdirəcəyinə özü qərar verəcək.” – deyə Korporativ Satışlar Departamentinin direktoru Sadiq İbadov bildirib.

Belə ki, yeni korporativ müştərilər üçün kampaniya müddəti ərzində bank, qeyri kredit xidmətləri üzrə komissiya haqqlarını bir aylıq ləvğ edir. Bunlara hesabların açılması, biznes kartlar, maaş kartları, elektron bankçılıq, pos-terminal və valyuta mübadiləsi üzrə komissiyalar daxildir.

Həmçinin, kampaniya çərçivəsində əməkdaşlığa yeni qoşulmuş korporativ müştərilərə, ölkədaxili və xarici köçürmələr, hesabdan nəğd pulun çıxarılması, əmək haqqı kartları,  biznes kartları və pos-terminal üzrə komissiyalar və digər qeyri-kredit xidmətləri üzrə komissiyalar 1 ay müddətinə ləvğ olunur.

Güzəşt müddəti bitdikdən sonra “XOŞ GƏLDİN” kampaniyası çərçivəsində yeni müştərilərə, əməliyyat həcmindən asılı olaraq standart tariflərdən daha münasib xüsusi tariflər tədbiq olunacaq.

© Materiallardan istifadə edərkən hiperlinklə istinad olunmalıdır