Azərbaycan Banklar Assosiasiyası (ABA) bank əməkdaşlarının peşəkarlıq səviyyəsinin yüksəldilməsi, bilik və bacarıqlarının daim inkişaf etdirilməsi üçün müxtəlif təlim proqramları və layihələr həyata keçirir, eyni zamanda əhalinin maliyyə savadlılığının artırılmasına müvafiq layihələrlə daima dəstək verir.
Bu cür tədbirlərin davamı olaraq, ABA tərəfindən “Bankçılıqda vacib datalar və onların doğru analizi” adlı vebinar keçirilib.
Vebinar 17 mart 2021-ci il tarixində baş tutub. Türk dilində keçirilən vebinarda “Bloomberg HT”-nın Baş redaktoru Gökhan Şen çıxış edib. Vebinar zamanı aşağıdakı mövzular müzakirə edilmişdir:
· Qlobal makroiqtisadi perspektiv
· Qlobal maliyyə perspektivi
· Makroiqtisadiyyatı anlamaqda istifadə ediləcək datalar
· Maliyyə vəziyyətini təhlil edə bilmək üçün lazımi datalar
· Bankçılıqda vacib datalar və onların doğru formada oxunması
· Media tərəfdən dataların doğru analizi
Vebinar iştirakçılar tərəfindən böyük marağa səbəb olub, sonda mövzu üzrə müzakirələr aparılmış və iştirakçıların sualları cavablandırılmışdır.