Bu ilin 8–11 noyabr tarixlərinə təsadüf edən qeyri-iş günlərində bank sektorunda və poçt xidmətlərində vətəndaşların fasiləsiz xidmət alması üçün xüsusi iş rejimi tətbiq olunacaq.
Bu barədə məlumatı Azərbaycan Mərkəzi Bankı yayıb.
Məlumata görə, bayram günlərində ölkədə səfərdə olan turistlərin və yerli vətəndaşların valyuta mübadiləsi xidmətlərinə davamlı çıxış imkanlarını təmin etmək məqsədilə:
-
15 bankın 166 satış nöqtəsi (onlardan 4 bank üzrə 9 satış nöqtəsi — 24 saat rejimində)
-
“Azərpoçt” MMC-nin 68 şöbəsi
-
Valyuta mübadiləsinə lisenziya almış 7 müstəqil məntəqə
müştərilərə xidmət göstərəcək.
Bayram günlərində iş qrafiki:
-
Banklar: Seçilmiş filial və şöbələr fəaliyyət göstərəcək (bəziləri 24/7 rejimdə).
-
“Azərpoçt” MMC: 68 şöbə işləyəcək.
-
Valyuta mübadilə məntəqələri: 7 lisenziyalı məntəqə açıq olacaq.